Meta pret ministrin e Shtetit për Rindërtimin Ahmetaj, diskutohet mbledhja e Këshillit të Sigurisë Kombëtare

Presidenti Meta priti këtë të premte në mbrëmje me kërkesë të tij, ministrin e Shtetit për Rindërtimin,Arben Ahmetaj.

Ky I fundit është ngarkuar nga qeveria edhe për  koordinimin  dhe  drejtimin  e  punës, ndërmjet ministrive dhe institucioneve, për hartimin e planit të përballimit të situatës ekonomike të shkaktuar nga pandemia globale COVID-19.

Meta u njoh nga ministri Ahmetaj për masat e marra nga qeveria për përballimin e kësaj situate kritike, si dhe diskutoi mbi mundësinë e mbledhjes në një kohë sa më të afërt të Këshillit të Sigurisë Kombëtare.

Kreu I shtetit theksoi gjatë takimit se bashkëpunimi, gjithëpërfshirja, humanizmi dhe solidariteti mbarëkombëtar do të na japë të gjithëve fuqinë e duhur pozitive për ta fituar këtë sfidë.