Presidenti Ilir Meta, ka zhvilluar një takim këtë të martë me ish-të dërguarin e posaçëm të Shtëpisë së Bardhë për dialogun Kosovë-Serbi, Richard Grenell.
Në një postimi në Twitter, kreu i shtetit, veçanërisht vlerëson angazhimin e diplomatit amerikan në mbështetje të forcimit të mëtejshëm të marrëdhënieve mes SHBA-së dhe Shqipërisë.
“Është gjithmonë kënaqësi të kesh Richard Grenell në Shqipëri dhe në zyrën time. Vlerësohet shumë angazhimi i tij në mbështetje të forcimit të mëtejshëm të marrëdhënieve dhe bashkëpunimit ndërmjet Shqipërisë dhe Shteteve të Bashkuara”, shkruan Meta.
