Presidenti Ilir Meta priti të enjen homolgun e tij bullgar, Rumen Radev, gjatë vizitës së tij dy ditore në Tiranë.
Në një postim në “Facebook”, Meta shkruan se Bullgaria ishte streha e sigurt e shumë patriotëve gjatë Rilindjes Kombëtare në luftën për përhapjen e gjuhës shqipe dhe arritjen e Pavarësisë.
“I lumtur të ngrija një dolli me Presidentin Radev për miqësinë e fortë të dy popujve tanë! Bullgaria ishte streha e sigurt e shumë patriotëve tanë gjatë Rilindjes Kombëtare në luftën për përhapjen e gjuhës shqipe dhe arritjen e Pavarësisë. Në Sofje, Shahin Kolonja, Kristo Luarasi, Mithat Frashëri etj., në shtypshkronjën “Mbrothësia” botuan abetare pafund dhe gazetën “Drita” për t’i shpërndarë kudo në Atdhe me qëllim lartësimin e ndjenjave kombëtare dhe mobilizimin për kryengritjet finale që do sillnin Pavarësinë tonë në 28 nëntor 1912.”
Ndërkohë, e sheh të ardhmen e marrëdhënieve shqiptaro-bullgare, plot shkëlqim e mirëbesim.