Ish-kryetari i Lëvizjes Socialiste për Integrim Ilir Meta ka deklaruar në Pogradec se, “LSI është forcë e parë në të gjithë Shqipërinë”.
Në një takim me qytetarët e Pogradecit, Meta iu drejtua votuesve që të votojnë LSI, në mënyrë që të shpëtojnë nga taksat.
Nga aty, ai ka bërë thirrje për të marrë hak me votë ndaj kryeministrit Edi Rama, pasi sipas tij ai shiti bashkinë e qytetit.
“Jo vetëm që e shitën e Pogradecit siç shitën edhe atë të Lezhës, që mos i merrte aleati LSI që i qëndroi korrekt, por edhe e kanë katandisur Pogradecin në një bashki të kategorisë së tretë duke mos e mbështetur me financime duke penalizuar një popull të tërë këtu”, tha Meta.
