Meta në Armathë, verifikon banesat me ekspertët izraelitë

Presidenti Ilir Meta ka qenë këtë të martë në Armathë ku së bashku me ekspertët izraelitë ka verifikuar një banesë 4-katëshe.

Në një postim në Facebook, Meta shkruan se banorët tashmë janë më të qetë se pardje ndërsa thekson se është e rëndësishme që të ndiqen udhëzimet e duhura të ekpsertëve për përforcimin dhe riparimin e dëmeve.

“Sapo përfunduam një verifikim të ri të një banese 4 katëshe në Armathë me ekspertët e palodhur izraelitë. Besoj tani edhe banorët janë më të qartë dhe të qetë se pardje. E rëndësishme është tani të ndjekim udhëzimet e duhura për përforcimin dhe riparimet e dëmeve me përgjegjësi të plotë ligjore.”