Presidenti i Republikës Ilir Meta ka dekretuar këtë të martë shpalljen e 3 ligjeve.
Bëhet fjalë për “lejet e mjedisit” dhe “mbrojtjen e mjedisit”. Sipas Metës, të dyja këto ligje synojnë thjeshtësimin e procedurave administrative dhe ndryshimin e sistemit prej tre nivelesh të lejeve të mjedisit.
Kreu i shtetit shtoi se ligji sjell një rishikim të listës së bizneseve që deri më sot kishin detyrimin për t`u pajisur me leje mjedisi të tipit “C”, për ato aktivitete me ndikim të ulët në mjedis, duke ndikuar direkt në uljen e kostove për bizneset e vogla që nuk shkaktojnë ndotje të mjedisit, në varësi dhe të kapacitetit prodhues.
Po ashtu, ka dekretuar edhe ligjin nr. 57/2020 “Për pyjet”. Meta argumentoi se ky ligj, sjell një rregullim të ri sektorial për pyjet dhe përafron pjesërisht dy rregullore të Bashkimit Europian.
