Presidenti Ilir Meta shprehet se COVID-19, përveçse thelloi pabarazitë në vend, u shfrytëzua pabesisht edhe për shkeljen dhe cenimin e të drejtave të qytetarëve.

Në një postim në “Facebook”, kreu i shtetit thekson se ky duhet të jetë viti për t’i thënë ndal shkeljes së të drejtave të njeriut.

“COVID-19 jo vetëm i thelloi pabarazitë në vend, por u shfrytëzua pabesisht edhe për shkeljen dhe cenimin e të drejtave të qytetarëve për motive, që nuk kishin asnjë lidhje me pandeminë. Përpjekjet e Qeverisë për të shkatërruar demokracinë dhe kapur institucionet e pavarura nuk u kursyen as gjatë kësaj kohe, duke kulmuar me dhunë policore shproporcionale ndaj qytetarëve, shembjen kriminale të Teatrit Kombëtar dhe miratimin e të tjera koncensioneve dhe akteve antikushtetuese, që cenojnë interesin publik e kombëtar.”

Sipas Metës, qytetarët shqiptarë kanë mundësinë të ndahen nga “epoka e errët e dhunimit të demokracisë” në 25 prill.

“Duke e përshëndetur mesazhin e Komisioneres për të Drejtat e Njeriut, Dunja Mijatoviç, bashkëndaj të njëjtin qëndrim se ky duhet të jetë viti për t’i thënë NDAL shkeljes së të drejtave të njeriut. Me referendumin historik të 25 prillit, qytetarët shqiptarë kanë mundësinë të ndahen nga kjo epokë e errët e dhunimit të demokracisë dhe degradimit të shtetit ligjor. PRANVERA SHQIPTARE PO VJEN!”

 

 

One thought on “Meta: COVID-19 u shfrytëzua pabesisht nga qeveria për të shkatërruar demokracinë

  1. Zoti Meta a e di qe pushka qe mban ska fishek?
    Amerikanet ty te konsiderojn si njeri me te korruptuarin ne Shqiperi un them qe ti dhe familja jote te largohet nga Shqiperia mir do beje pa ardhur behari, A e di qe ti do jesh politikani par ne Shqiperi qe do perfundosh ne pranga?
    Dosja esht gati prandaj largohu se do hash si Kadafi

Leave a Reply

Your email address will not be published. Required fields are marked *