Meta, BE-së: Mos e vono më liberalizimin e vizave për Kosovën!
Presidenti Ilir Meta garantoi një mbështetje nga Shqipëria për dialogun Kosovë-Serbi, me qëllim që të finalizohet me një marrëveshje që siguron paqe, stabilitet dhe zgjidhjen e konflikteve.
Në rrjetet sociale, ai i drejtoi edhe një thirrje Bashkimit Evropian që të mos vonojë më shumë liberalizimin e vizave për Kosovën.
“Shqipëria do ta mbështesë dialogun Kosovë-Serbi dhe një marrëveshje përfundimtare detyruese, gjithëpërfshirëse dhe të zbatueshme, që normalizon plotësisht marrëdhëniet midis dy vendeve, si dhe do të kontribuojë në paqen rajonale, stabilitetin dhe perspektivën e përbashkët europiane. Liberalizimi i vizave për qytetarët e Kosovës nga Bashkimi Europian, pa vonesa të mëtejshme, është një mbështetje për rrugën e integrimit euro-atlantik të Kosovës dhe në të njëjtën kohë, një e drejtë ende e mohuar për qytetarët e saj. ????????❤️????????”
Deklaratat Ilir Meta i bëri pasi mori pjesë në takimin e presidentëve të rajonit të Ballkanit Perëndimor, i njohur si Procesi Brdo-Brijuni, ku u diskutua edhe për ndryshimin e kufijve.
