Messi show, Argjentina e pandalshme në kualifikueset e Kupës së Botës 2026. Pleshti përtej moshës së tij dhuroi spektakël në sfidën e radhës, eliminatore të vlefshme për zonën e Amerikës së Jugut. Ai shënoi të dy golat e fitores 2 me 0 në transferte kundër Perusë. Dhe çfarë golash madje. Në minutën e 32 Leo Messi mori një pasim nga e majta prej Niko Gonzales dhe pastaj shënoi një gol të shkëlqyer. 10 minuta më vonë ishte Enco Fernandez në një tjetër aksion nga e majta gati identik, që pasoi për kapitenin e Argjentinës, e majta e të cilit ishte e pakapshme për të dytën herë për portierin vendas. Sukses i rëndësishëm për kampionët e botës në fuqi të cilët kanë 12 pikë pas 4 ndeshjesh të luajtura duke kryesuar të vetëm. Ata përfituan edhe nga humbja e Brazilit 2 me 0 në Uruguay. Super ndeshje e të zotëve të shtëpisë, të cilët shënuan nga një gol në secilën pjesë me anë të Darvin Nunjës dhe DelaCruz. Tek Brazili veç humbjes për tu evidentuar dëmtimi i radhës i Neymar i cili doli nga fusha duke lotuar. Uruguay , Brazili dhe Venezuela kanë nga 7 pikë, 5 më pak sesa Argjentina e vendit të parë. Në dy duelet e tjera Ekuadori dhe Kolumbia ndanë nga një barazim 0 me 0, ndërsa Paraguay mposhti 1 me 0 Bolivinë.
Messi show, Argjentina e pandalshme/ Brazili humbet ndeshjen dhe Neymarin
