Zv.kryeministrja Senida Mes gjatë një vizite zyrtare në Sofje ka konfirmuar se Bullgaria e mbështet integrimin e Shqipërisë në Bashkimin Europian.
Gjatë qëndrimit të saj në Bullgari Mesi është takuar me homologun bullgar, Tomislav Donchev, i cili konfirmoi marrëdhëniet e shkëlqyera mes dy vendeve, si dhe mbështetjen e Bullgarisë për integrimin e Shqipërisë në Bashkimin Europian.
Gjithashtu në këtë takim bëhet me dije se është diskutuar në lidhje mbi mundësitë e reja në zhvillimin e marrëdhënieve ekonomike dypalëshe, në fushën e turizmit, si dhe mbi rritjen e kontakteve mes njerëzve në kuadër të diplomacisë ekonomike.