Trishtimi, shkatërrimet, e ardhmja. Gjithçka është në dorën e njeriut. Me këtë mesazh vjen edhe edicioni i dyte i Festivalit Ndërkombëtar të Fotografisë. Ky poster i realizuar nga një fotograf francez, vjen në kete event me qëllimin që të na tregojë betonizimin dhe të ardhmen jo vetëm të Palestinës, por edhe të shumë vendeve të tjera që në vend të ofrojnë oaze për fëmijët, u ofrojnë atyre një boshllëk që nuk i çon asgjëkund përveçse në konflikte. Të tilla janë edhe 24 fotografitë e tjera të përzgjedhura për t’u prezantuar në festivalin ndërkombëtar të fotografisë. Punimet e përzgjedhura, të realizuara nga 4 artistë shqiptarë që punojnë jashtë vendit dhe 8 të huaj do të rrugëtojnë këtë vit edhe në Francë.
