Një shqiptar është dëbuar nga Italia, pasi është konsideruar si një eksponent i rrezikshëm për terrorizëm.

 

Shqiptari i cili prej vitesh jetonte në Padova, kishte publikuar mesazhe kundër festës së Krishtlindjeve në faqen e tij në Facebook, dhe mbante lidhje me imamë të arrestuar në Kosovë për terrorizëm e nxitje të urrejtjes raciale.

 

Sipas mediave italiane, lajmin është bërë i ditur nga Ministria e Brendshme Italiane, e cila ka dëbuar shqiptarin me iniciale SH.C. me akuzen për aktivitet antisemit ekstremist.

 

Ai është shoqëruar në kufirin shqiptar me ndalimin e hyrjes në territorin italian për 10 vitet e ardhshme. Ndërkohë bëhet me dije se së bashku me shqiptarin e dëbuar është sinjalizuar si person i rrezikshëm dhe një tjetër emigrant shqiptar me statusin e azilkërkuesit.

 

Ky është një vendim i përshëndetur edhe nga ministri i Brendshëm Matteo Salvini, i cili ka falenderuar autoritetet policore të Padovës duke u shprehur se “Në Itali nuk ka më hapësirë për këdo që përpiqet të sjellë luftën brenda shtëpisë sonë”.

Leave a Reply

Your email address will not be published. Required fields are marked *