Merr fund pritja! Sezoni i tretë i “Ferma VIP” nis më 27 mars
Publiku shqiptar do të ketë mundësinë të rikthehet në botën e “Ferma VIP”, pasi reality show i njohur rikthehet në ekranin e Vizion Plus me edicionin e tretë. Ky sezon nis më 27 mars dhe do të transmetohet për tre muaj me radhë, çdo të hënë dhe të premte në orën 21:00, duke premtuar spektakël dhe emocion për çdo episod.
Për këtë edicion, timonin e moderimit e ka marrë Arbana Osmani, moderatorja shumë e dashur për publikun shqiptar, e cila do të udhëheqë konkurrentët në aventurat e tyre brenda fermës.
Programi, i cili kombinon jetën rurale me sfida fizike dhe konkurse mes VIP-ave, ka arritur të fitojë vëmendje dhe simpatinë e publikut në dy sezonet e mëparshme. Konkurrentët vendosen në një ambient rural, ku përballen me punët e fermës dhe sfida të ndryshme që testojnë aftësitë e tyre fizike dhe strategjike.
Ky sezon pritet të sjellë emocione, rivalitete dhe momente të veçanta që do të mbajnë publiku të mbërthyer para ekranit.
