Një automjet është përfshirë nga flakët ditën e sotme në askin Gjirokastër-Kakavijë. Sipas informacionit mjeti tip BMW ka marrë flakë në ecje e sipër.
Fatmirësisht veç dëmeve materiale, drejtuesi i mjetit 31-vjeçari N.G nuk ka pësuar lëndime.
Njoftimi:
Rreth orës 17:00, në aksin rrugor “Gjirokastër-Kakavijë”, ka marrë flakë në lëvizje e sipër dhe është djegur pjesërisht automjeti tip “BMW” me drejtues shtetasin N. G., 31 vjeç, banues në Fier dhe si pasojë ka vetëm dëme materiale.
Paraprakisht dyshohet se zjarri mund të jetë shkaktuar si pasojë e një shkëndije elektrike.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
