Kancelarja gjermane, Angela Merkel e cilësoi sot, nëpërmjet zëdhënësit të saj, sulmin kimik të dyshuar në Siri krim lufte dhe i kërkoi Rusisë dhe Iranit të ushtronin presion ndaj Damaskut.
“Përdorimi i gazit toksik përbën një krim lufte dhe krimet e luftës duhen trajtuar si të tilla”, deklaroi zëvendëszëdhënësi i kancelares gjermane, Ulrike Demmer, në një konferencë shtypi.
Pa dashur ti drejtojë drejtpërdrejt gishtin regjimit të presidentit sirian, Bachar al-Assad, ajo kujtoi se përgjegjësia e regjimit të Assad në përdorimin e armëve kimike është provuar dhe në të kaluarën.
”Në këtë kontekst, qeveria gjermane i kërkon qeverisë ruse dhe iraniane të bëjnë presion ndaj partnerëve të tyre në regjimin e Assad që ky i fundit t’i japë fund veprimeve ushtarke dhe të repsektojë armëpushimin”, shtoi zëdhënësi.
