MEPJ i ndërpret mandatin indianit si Konsull Nderi i Shqipërisë

Ministria për Evropën dhe Punët e Jashtme ka vendosur të ndërpresë mandatin konsullit të nderit Nitin Sandesara, në Nigeri, një nga vëllezërit indianë  të akuzuar në Indi  për vjedhjen dhe pastrimin e 725 milionë dollarëve.

Sipas Ministrisë, procedura e emërimit të z.Nitin Sandesara si Konsull Nderi i Republikës së Shqipërisë në Nigeri ka përfunduar në janar 2019.

Në zbatimin e procedurës së emërimit janë marrë në konsideratë kriteret dhe kushtet e përcaktuara në Konventën e Vjenës për Marrëdhëniet Konsullore.

Ndërkohë në lidhje me dhënien e nënshtetësisë shqiptare dhe pajisjes me pasaportë shqiptare të z. Sandesara, Ministria e Punëve të Jashtme thotë se nuk është procedurë, e cila ka kaluar nëpërmjet Ministrisë.