Melania Trump ka zgjeruar programin e bletarisë në Shtëpinë e Bardhë, duke shtuar koshere të reja me qëllim rritjen e prodhimit të mjaltit.
Instalimi i ri është vendosur në Kopshtin Jugor dhe përbëhet nga një koshere funksionale, e projektuar si një miniaturë e Shtëpisë së Bardhë nga një mjeshtër lokal. Ajo strehon dy koloni bletësh dhe pritet të rrisë ndjeshëm prodhimin.
Sipas njoftimit, prodhimi vjetor i mjaltit pritet të rritet me rreth 30 paund (rreth 13–14 kilogramë), duke e çuar totalin në 230 deri në 255 kilogramë në vit.
Programi i bletarisë në Shtëpinë e Bardhë ka nisur në vitin 2009, gjatë presidencës së Barack Obama-s, me qëllim mbështetjen e pjalmimit të kopshteve të Shtëpisë së Bardhë dhe zonës përreth Parkut Kombëtar.
Mjalti i prodhuar përdoret nga shefat e kuzhinës së Shtëpisë së Bardhë në receta të ndryshme, si pije, sallata dhe ëmbëlsira, duke mbështetur filozofinë e qëndrueshmërisë dhe vetë-mjaftueshmërisë.
/vizionplus.tv
