Nënkryetarja e Lëvizjes Socialiste për Integrim, Kejdi Mehmetaj nga 7 pa 5 në Vizion Plus është shprehur se fokusi kryesor është tek rinia.
Sipas Mehmetaj opozita ka qenë opozita ka qenë gjithmonë në bazë dhe sipas saj bashkëbisedimi me qytetarët është përditshmëria e rrjedhës që ata ndjekin.
Gjithashtu nënkryetarja e LSI-së ka bërë me dije se LSI po përgatitet për një riorganizim të anëtarësisë ku të rinjtë janë të mirëpritur për të marrë kartën e anëtarësimit.
“Fokusi i LSI është tek rinia dhe besoj kjo është e dallueshme edhe nga pjesmarrja e të rinjve, nga konventa e fundit e LSI është bërë publike dhe platforma që fokusin kryesor ka rininë arsimin dhe ndërhyrje në infrastukturën e arsimit. Kemi folur për familjet e reja dhe ndihmën që duhet të japë shteti në strehim, në punësim dhe në ndihmën për punësim, ky është një model që në e kemi parë në Poloni që e ka problem madhor dhe merr masa për të mbajtur të rinjtë brenda vendit. Opozita ka qenë gjithmone në bazë dhe pas shkurtit të këtij viti kur ne u larguam nga parlamenti përditshmëria jonë është me qytetarët. LSI ka hyrë në një proces tjetër riorganizimi ai i anëtarësimeve të reja me kartën e LSI jo vetem per anëtarët që janë, por per te gjithë që duan të behen pjese ka hyrë në një proces tjetër që është mbeshtjetje për të rinjtë. Në këto ditë kur shqiptarët po largohen ekonomia ështe e vështire shqiptarët po diskutojnë sigurinë e jetës është e rëndësishme të jemi sa më afër qytetarëve.”
