Ish-deputetja e LSI, Kejdi Mehmetaj i doli në mbrojtje presidentit Ilir Meta pas replikave të këtij të fundit me kryeministrin Edi Rama. Mehmetaj sulmoi Ramën duke deklaruar se ai duhet të japë përgjigje për inceneratorët dhe naftëtarët.
“Edi Rama nuk të shpëton dot inati që ke me Presidentin! Ilir Meta ka qen Komandant i LSI dhe të shkon apo jo përshtat ty tani është Komandant i Forcave të Armatosura, ndërsa ti nuk je as komandant i kotecit tënd. Nuk ushqehen shqiptarët me pallavrat e tua. Jep llogari për 75 milion eurot që ke çuar tek inceneratorët fantazëm dhe për djersën e gjakun e naftëtarëve që janë sot në grevë urie. Për këto fol ti, jo për parrulla boshe që nuk ti dëgjon më asnjëri.”
Më herët, Edi Rama i tha Ilir Metës se është thjesht kryetar i LSI që s’përfaqëson dot asgjë dhe askënd. Reagimi i Ramës erdhi pas një deklarate të presidentit se është “ushtari i parë i Republikës dhe komandant i FA”.
