Në qoftë se mendoni se dukesha e Sussex, Meghan Markle (oops tanimë është një “askush” për oborrin mbretëror) do të vuante largimin nga familja e Harry-t dhe se do të “zhdukej” nga qarkullimi për pak kohe, gaboheni. 38-vjeçarja jo vetëm që s’ka ndërmend ta bëjë diçka të tillë, por në daljen e fundit publike me princin Archie dhe dy qentë e saj Oz dhe Guy duket gjithë shend e verë.
Tani që “divorci” nga familja mbretërore është zyrtar, ndonëse në fillim mbretëresha Elizabeth II u shfaq jo shumë e gatshme për të pranuar këtë ndryshim drastik, ajo më në fund mund të shijojë jetën e saj e qetë larg rregullave të Pallatit të Buckingham-it. Nuk dihet akoma nëse do të merret me politikë, do i rikthehet aktrimit apo do të merret modë, synimi i saj kryesor është që t’i japë Archie-t një fëmijëri “normale”. Ish-princesha është zhvendosur në Kanada prej më shumë se një javë dhe, pasi u shfaq në publik teksa i jepte makinës disa ditë më parë, kohët e fundit është rikthyer në qendër të vëmendjes.
Ajo është fotografuar nga paparacët ndërsa shëtiste në një pyll të Vancouver-it, ku sigurisht ra në sy për shkak të veshjes së saj të shkujdesur. Meghan i ka thënë lamtumirë stilettos-ve fundeve dhe fustaneve deri tek gjurit palltove bon-ton dhe po shijon rehatinë që të fal veshja sportive. E veshur me një xhup sportiv, çizme trekking nga Sorel, një kapelë leshi jeshile dhe flokët bishtalec ajo duket e qeshur dhe më e lumtur se kurrë./Living
