Princi Harry dhe bashkëshortja Meghan kanë mbërritur në Marok për udhëtimin e fundit zyrtar jashtë vendit përpara lindjes së fëmijës së tyre të parë.
Meghan është në muajin e shtatë të shtatzënisë dhe pritet të lindë fëmijën e saj në muajin prill.
Axhenda e çiftit do të nisë në Marok nesër në qytetin e Asni, me një event për fëmijët në komunitetet rurale.
Më pas çifti do të shkojë në Rabat për disa takime me diplomat ndërsa vizita do të mbyllet me një turne në Federatën mbretërore të Sporteve të Marokut, për të vëzhguar kuajt, që janë një mbështetje e madhe tek fëmijët me aftësi të kufizuara.
Harry dhe Meghan do të kthehen të martën në Britaninë e Madhe.
Por pavarësisht këtyre gjërave ajo ç’ka ra në sy gjatë kësaj vizite ishte veshja e Meghan, e cila ishte veshur me të kuqe.
