Mediat serbe thonë se kryeministri në largim i Malit të Zi, Dritan Abazoviç është sulmuar mbrëmjen e së dielës në një diskotekë në Budva.
Lajmi raportohet nga gazeta serbe Kurir.
Sipas këtij burimi, Abazovic ka qënë duke ndjekur performance e Dino Merlin në diskoteken “Top Hill” kur është sulmuar.
“Dritani ishte në shfaqjen e Merlinit, kur një nga vizitorët tentoi t’i afrohej dhe ta sulmonte. Ai ka shqiptuar një breshëri ofendimesh, e më pas ka tentuar t’i afrohet”, sikurse shkruan Kurir, e cila shton se ne diskotekë është krijuar kaos dhe rrëmujë, ndërsa rojet e sigurisë së kryeministrit kanë reaguar me shpejtësi për të neutralizuar sulmin.
Mirëpo mediat malazeze duke iu referuar burimeve jozyrtare nga policia e Malit të Zi kanë një version tjetër të ngjarjes duke thënë se sherri ka qënë mes personave të tjerë dhe Abazovic vetëm sa ka qënë aty rastësisht.
Pritet dalja zyrtare e autoriteteve vendase për të kuptuar realisht se cfarë ka ndodhur,.
