Ndonëse ende nuk ka një konfirmim zyrtar, burime për mediat e mëdha greke thanë se ekziston frika se në tragetin e ligjës Itali-Greqi, që u përfshi nga flakët në afërsi të Korfuzit , mungojnë në apel 11 persona.
.
Informacioni për të zhdukurit në tragetin e pasagjereve “EuroFerry Olympia” i cili numëronte 279 persona nga gjithsej 290 pasagjerë (239 pasagjerë dhe 51 ekuipazh) duket se vjen nga numërimi i parë i përafërt i kryer në varkat e shpëtimit.
Një përfaqësues i grupeve të shpëtimit deklaroi për “Protothema”:
“Është herët për të bërë një deklaratë. Ne përpiqemi të kryqëzojmë informacionin dhe të krahasojmë sa janë deklaruar në listën e pasagjerëve me ata që u shpëtuan. Është shpëtuar edhe skafi italian, presim numërimin dhe identifikimin në portin e Korfuzit”.
Të mbijetuarit e anijes që u përfshi nga flakët ndodhen aktualisht në tre mjete lundruese (në bord janë mbi 200 persona) dhe po arrijnë në Korfuz. Aty, roja bregdetare ka evidentuar 4 pika numërimi ku do të bëhet identifikimi, në mënyrë që të ketë një pamje të qartë të të zhdukurve.
Vlen të theksohet se pasagjerët e mëhershëm që kanë folur në televizion kanë shprehur frikëse mund të mos kenë shpëtuar të gjithë pasagjerët, pasi ka mundësi që në garazhe të ketë fjetur disa shoferë në kamionët e tyre.
Deputeti Stefanos Gikas tha: “Ka disa informacione të pakonfirmuara për 11 të zhdukur, megjithatë kapiteni italian i anijes pretendon se janë hipur të gjithë. Procesi i numërimit për 239 pasagjerë plus 51 anëtarë të ekuipazhit sapo ka filluar. Disa janë kapur nga anija e Rojës Bregdetare italiane që ndodhej në zonë. Tani varka e shpëtimit 520 po largohet dhe do t’i afrohet asaj italiane”.
Zjarri ra pak pas nisjes së anijes nga porti i Igumenices në orët e para të së premtes, jashtë Ereikousa.
Në orën 4.30 të mëngjesit ka rënë alarmi në anije dhe procesi i evakuimit ka nisur menjëherë. Pasagjerët e Euroferry Olympia të grupit Grimaldi u larguan nga anija me varka shpëtimi dhe u morën nga varkat lundruese. Sipas informacioneve të transmetuara nga agjencia e Athinës, ka një pjesëtar të plagosur të ekuipazhit. Për fat të mirë moti ishte shumë i mirë dhe kështu operacioni i shpëtimit shkoi pa probleme. Euroferry Olympia, që lundronte nën flamurin italian, ishte nisur për në Brindizi dhe po lundronte në verilindje te ishullit Ereikousa. Sipas informacioneve të para zjarri ka nisur nga garazhi, ndoshta nga një kamion frigorifer. / Protothema
