Media gjermane zbulon planin, Baerbock po përpiqet të bindë Scholz të dërgojë raketa “Taurus” në Ukrainë

Ministrja e Jashtme gjermane Annalena Baerbock po përpiqet të bindë kancelarin Olaf Scholz në prapaskenë që të dërgojë raketa Taurus në Ukrainë.

Në një takim të fundit, Baerbock dhe Sekretari i Jashtëm britanik David Cameron diskutuan mundësinë e një “shkëmbimi rrethor”. Çështja është furnizimi rrethor i raketave me rreze të gjatë – një marrëveshje në të cilën Londra furnizon Ukrainën me raketa shtesë “Storm Shadow” në këmbim të Gjermanisë që të rimbush stoqet britanike të raketave me rreze të gjatë veprimi.

Lexo edhe :

Related Posts

Olaf Scholz përsërit qëndrimin e tij: Nuk do të dërgojmë “Taurus” në Ukrainë, maturia s’është dobësi

Të frikshme për armikun, raketat gjermane “Taurus” mund të ndryshojnë rrjedhën e luftës në Ukrainë, por Scholz refuzon

Scholz është kundër dërgimit të raketave Taurus në Kiev, sepse ai ka frikë se kjo  do ta tërheqë Gjermaninë në luftë. Ukraina ka marrë raketa të tjera me rreze të gjatë, të tilla si Storm Shadow nga Britania e Madhe dhe SCALP i prodhimit francez.

Sipas Der Spiegel, Baerbock po eksploron mënyra që Gjermania të dërgojë potencialisht raketa Taurus në Ukrainë, duke respektuar “vijat e kuqe” të kancelarit. Një opsion në shqyrtim përfshin transferimin e raketave Taurus nga Gjermania në Mbretërinë e Bashkuar, e cila më pas do t’i kalonte ato në Ukrainë. Megjithatë, britanikët do të ruanin kontrollin mbi vendosjen dhe përzgjedhjen e objektivave për raketat. /vizionplus.tv