Pasditen e sotme, “Foltorja” e ish kryeministrit Sali Berisha do të zhvendoset në Kukës, ku Berisha do të takohet me demokratët e këtij qyteti.
Dhjetëra demokratë kanë dalë duke e pritur ish-kryeministrin, me tupana dhe flamuj të PD, ndërkohë që në krye të anëtarëve demokratë shihet edhe deputeti i PD-së Flamur Noka, i cili i ka qëndruar besnik tureve të Berishës, që prej fillimit.
Kujtojmë se Flamur Noka, pasi i doli hapur kundër Lulzim Bashës, u shkarkua nga ky i fundit nga pozicioni i nënkryetarit të Komisionit të Sigurisë dhe madje Basha e ka paralajmëruar se do ta përjashtojë edhe nga Grupi Parlamentar.
