Detaje të reja janë zbardhur nga ngjarja e rëndë në Tiranë, ku efektivi Erjon Goxhara plagosi inxhinierin e ERE, Lorenc Kosta.
Autori u vetëdorëzua në DVP Tiranë pasditen e të mërkurës i pashoqëruar nga askush madje as nga avokati i tij. Burime pranë grupi hetimor thonë se Goxhari ka dhënë detaje mbi motivin dhe rrethanat, disa prej rë cilave janë parë me dyshim për vërtetësinë e tyre nga hetuesit.
Lexo edhe :
Related Posts
“Kam qenë në lokal duke drekuar me vajzën time, kam parë Lorenc Kostën rastësisht. Kam çuar diku vajzën dhe e kam lënë aty dhe jam kthyer ku edhe kam qëlluar ndaj tij. Nuk e kam bërë me paramendim, dhe nuk kam patur për qëllim ta vras. Kam përdorur armën e shërbimit që mbaja me vete”, ka thënë ai.
Policia ka negociuar me të afërmit për të bindur autorin për tu dorëzuar. Pavarësisht se Goxhara mbajti këtë qëndrim, grupi i hetimit nuk është bindur për vertetësinë e deklarimeve. Rrethanat, provat materiale dhe dëshmitë e personave të tjerë, krijojnë bindjen e arsyeshme se efektivi i policisë e ka ndjekur shënjestrën dhe e ka planifikuar ngjarjen. Veç kësaj, Goxhara kishte krijuar të gjitha kushtet ditën e ngjarjes për të realizuar qëllimin kriminal. Ende nuk është arritur të merret dëshmia e viktimës së sulmit Lorenc Kosta për shkak të gjendjes shëndetësore.
Në vijim të dëshmisë, Goxharaj mësohet të ketë deklaruar se “Kosta më provokonte sa herë përballesha dhe më thonte “do të heq nga puna”.
“E qëllova te këmbët sepse nuk doja ta vrisja. Pas krimit u largova takova djalin, shkova drejt zonës së Freskut dhe kur pashë policinë u largova drejt Dajtit”, ka deklaruar Goxhara.
Më herët u raportua se para se të plagoste 45-vjeçarin, Goxhara ishte takuar me bashkëshorten e tij dhe I kishte kërkuar asaj të kërkonte ndjesë për tradhtinë me Kostën.
Takimi ka ndodhur mëngjesin e 19 gushtit, ditën kur ka ndodhur ngjarja, në një qendër tregtare në periferi të Tiranës ku është shoqëruar me tensione dhe debate. Në momentin kur ka përfunduar biseda, bashkëshortja e Goxharas ka goditur veten me grushta, por nuk pranoi të kërkojë ndjesë.
Në deklarimet e dhëna para Oficerëve të Policisë Gjyqësore në prani të psikologut, djali i mitur i çiftit bashkëshortor, konfirmon se konfliktet mes prindërve të tij kanë nisur që nga mesi i korrikut, kohë kur sipas tij, e ëma pranoi dyshimet e Goxharës për lidhjen jashtë martesore me Kostën.
Për raportin gruaja thotë se ka ndodhur vetëm një herë. Polici që shtiu 6 plumba drejt inxhinierit të ERE i ka kërkuar të shoqes që të kërkonte ndjesë, por që kjo e fundit nuk ka pranuar.
Të njëjtën ditë, Goxhara pasi mbaroi takimin në qendrën tregtare shkoi në shtëpinë e tij dhe ka organizuar ngjarjen. Sipas grupit hetimor polici 46-vjeçar, e ka mbajtur në vëzhgim 45-vjeçarin Kosta dhe deri në këtë fazë hetimi, ka dyshime se nuk ka patur qëllim ta vrasë.
Pas plagosjes Goxhara telefonoi djalin ku u takuan te rrethrrotullimi i Shkozës. Policia e lokalizoi por arriti të ndalojë vetëm djalin e mitur dhe jo efektivin. /vizionplus.tv
