Presidenti serb Aleksandër Vuçiç ka paralajmëruar se viti i ardhshëm do të sjellë më shumë konflikte në Ballkanin Perëndimor.
“Kam frikë se viti 2024 do të sjellë shumë më tepër konflikte dhe trazira se viti 2022 dhe viti 2023, përfshirë kërcënime ndaj popullit serb në Kosovë, Republiken Srbska,por edhe në pjesë të tjera të rajonit.”
Duke folur për marrëdhëniet me Kosovën si dhe procesin e dialogut ai ka theksuar se nuk do të heqë dorë nga territori serb si dhe populli i tij.
“Pavarësisht nga ashpërsia e problemeve dhe përmasa e presioneve që do të jenë më të mëdha në periudhën e ardhshme, ne duhet të përpiqemi gjithmonë për kompromis, por kurrë nuk duhet të heqim dorë nga ajo që është e jona, nuk duhet të heqim dorë as nga e drejta publike ndërkombëtare, as nga territori, as nga populli ynë.”
Ndërkohë që diplomatët europian po përpiqen të normalizojnë marrëdhëniet mes dy vendeve, presidenti ukrainas, Volodymyr Zelenskyy, i ka bërë thirrje ndërkombëtarëve për përshpejtimin e zgjidhjes së konflikteve në Ballkanin Perëndimor, përpara se Rusia të rindezë një zjarr të madh.
