Më shumë se 40,000 palestinezë janë vrarë në 10 muaj luftime në Gaza

Më shumë se 40,000 palestinezë janë vrarë në Gaza që kur Izraeli filloi  luftën e tij kundër Hamasit pas sulmit të grupit më 7 tetor, tha të enjten ministria e Shëndetësisë në enklavë.

Ministria tha se 40 njerëz kishin vdekur në Gaza gjatë 24 orëve të fundit, duke e çuar numrin e përgjithshëm të vdekjeve që nga 7 tetori në 40,005. Më shumë se 92,401  janë lënduar.

Ministria e Shëndetësisë nuk bën dallim mes luftëtarëve dhe civilëve në shifrat e saj, por thotë se shumica e të vdekurve janë gra dhe fëmijë. Izraeli tha muajin e kaluar se kishte vrarë më shumë se 17,000 luftëtarë në Gaza që nga fillimi i luftës. CNN nuk mund të verifikojë në mënyrë të pavarur numrat e ministrisë.

Përveç kësaj, të paktën 10,000 njerëz të tjerë janë të zhdukur dhe besohet se janë varrosur nën rrënojat në Gaza, tha zyra e mediave e qeverisë së Gazës në fillim të kësaj jave./vizionplus.tv