Policia në Toronto ka qëlluar dhe vrarë një 20-vjeçar, pasi u kap me një pushkë pranë një shkolle fillore.
Autoritetet vendase bënë të ditur se i riu ishte i veshur me një pallto të gjatë dhe mbante një kapele të bardhë. Ai u vu re teksa po ecte i armatosur në drejtim të një shkolle fillore.
Policia kanadeze joftoi se 20-vjecari nuk iu bind thirrjeve për tu dorëzuar edhe për këtë arsye ata u detyruan të qëllonin mbi të.
I riu gjeti vdekjen e menjëhershme, ndërkohë që të gjitha shkollat në zonë u mbyllën.
Autoritetet kanë bërë të ditur se do të shtojnë kontrollet dhe patrullat afër shkollave pas incidenteve të fundit.
Pak ditë më parë në Teksas të Shteteve të Bashkuara të Amerikës një 18-vjeçar vrau 19 fëmijë dhe 2 mesues në një shkolë fillore.
