Pas vite të tëra spekulimesh dhe pritjesh nga fansat, Cristiano Ronaldo dhe partnerja e tij prej kohësh, Georgina Rodríguez, janë fejuar zyrtarisht.
Lajmi u konfirmua përmes një postimi të Georginës në Instagram, ku ajo shfaqet me një unazë diamanti të madh në dorën e majtë një gur prerje “emerald”, i cili, sipas ekspertëve të bizhuterive, vlerësohet mbi një milion dollarë dhe peshon më shumë se 10-15 karat. Tobias Kormind, drejtor menaxhues i kompanisë londineze “77 Diamonds”, beson se guri qendror oval i unazës peshon rreth 35 karatë. Sipas tij, ai është i shoqëruar nga dy gurë anësorë ovalë prej rreth 1 karati secili, të vendosur në platin, duke e çuar totalin në 37 karatë.
Ai e krahason madhësinë e saj me diamantin legjendar Taylor-Burton prej 69.42 karatësh, të blerë dikur nga Elizabeth Taylor, dhe e vlerëson këtë unazë në rreth 5 milionë dollarë.
Në postim, modelja 31-vjeçare kishte shkruar “Po, pranoj. Në këtë dhe në të gjitha jetët e mia”.
View this post on Instagram
Nga takimi i parë në vitin 2016, deri te fejesa e shumëpritur
Lidhja e tyre nisi në vitin 2016 kur Georgina punonte në një butik në Madrid, dhe që atëherë është kthyer në një nga historitë më të ndjekura të dashurisë në botën e futbollit. Çifti po rrit së bashku pesë fëmijë dhe ka ndarë jetën mes qyteteve të ndryshme si Madridi, Torino, Mançesteri dhe aktualisht Arabia Saudite, ku Ronaldo po vazhdon karrierën e tij.
Ronaldo, 40 vjeç, kishte lënë të nënkuptohej më herët se një propozim do të vinte në kohën e duhur, duke e përmendur këtë edhe në dokumentarin “I Am Georgina” në Netflix. Tashmë, ajo pritje ka marrë fund dhe çifti ka bërë hapin e madh.
Pas konfirmimit të fejesës, vëmendja tani është përqendruar te dasma — kur dhe ku do të zhvillohet ajo? Pavarësisht nëse do të jetë një ceremoni intime apo një event madhështor ndërkombëtar, një gjë është e sigurt: Cristiano Ronaldo dhe Georgina Rodríguez janë gati të nisin kapitullin e ri të jetës së tyre, ndërsa sytë e botës do të jenë mbi ta.
/vizionplus.tv
