Një operacion i përbashkët i Francës, Holandës, Gjermanisë, Italisë, Lituanisë dhe Spanjës ka çuar në zbërthimin e një tjetër aplikacioni që përdoret nga krimi, konkretisht platformës “Matrix”.
Për tre muaj, autoritetet ishin në gjendje të monitoronin mesazhet e personave që përdornin këtë platformë, të cilat tani do të përdoren për të mbështetur hetime të tjera.
Lexo edhe :
Related Posts
“MATRIX, një shërbim mesazhesh i bërë nga kriminelët për kriminelët, u zbulua për herë të parë nga autoritetet holandeze në telefonin e një krimineli të dënuar për vrasjen e një gazetari holandez në vitin 2021”, thuhet në njoftimin e Europol.
Pas këaj, autoritetet filluan një hetim në shkallë të gjerë për shërbimin e mesazheve.
Shumë shpejt u bë e qartë se infrastruktura e kësaj platforme ishte teknikisht më komplekse se platformat e mëparshme si Sky ECC dhe EncroChat.
Themeluesit ishin të bindur se shërbimi ishte superior dhe më i sigurt se aplikacionet e mëparshme të përdorura nga kriminelët.
Përdoruesit mund t’i bashkoheshin shërbimit vetëm nëse merrnin një ftesë.
Duke përdorur teknologji inovative, autoritetet mundën të përgjonin shërbimin e mesazheve dhe të monitoronin aktivitetin për tre muaj. Më shumë se 2.3 milionë mesazhe në 33 gjuhë u përgjuan dhe u deshifruan gjatë hetimit.
Mesazhet që u përgjuan lidhen me krime të rënda si trafiku ndërkombëtar i drogës, trafiku i armëve dhe pastrimi i parave./vizionplus.tv
