Mbyllet kopshti privat në Fier ku pak javë më parë gjeti vdekjen një fëmijë 3 vjeç, i cili teksa tentoi të merrte çantën, i ngeci kapuçi i xhupit në varëse, e për pasojë u mbyt.
Vendimi për heqjen e licencës është marrë nga Ministria e Arsimit, me pretendimin se nuk kishte drejtues dhe as personel të kualifikuar për mësimdhënien, si dhe kishte regjistruar fëmijë të moshës nën 3 vjeç, në kundërshtim me ligjin dhe ka pranuar fëmijë mbi numrin e lejuar.
Po ashtu, u konstatua që kopshti nuk plotësonte kushtet minimale, si dhe kishte probleme me dokumentacioni.
