Një varkë që po transportonte emigrant nga Turqia drejt brigjeve greke është përmbytur duke shkaktuar vdekjen e 7 prej tyre. Mes viktimave janë edhe një foshnje e porsalindur, katër femije deri në 11 vjeç dhe dy gra.
Mediat greke raportojnë se 12 emigrantë nga 19 që ndodheshin në varkë arritën të shpëtonin nga anija e shpëtimit Frontex pranë ujërave të ishullit Oinouses në detin Egje. Dyshohet se mes refugjatëve kishte edhe shetas turq që po përpiqeshin të iknin nga vendui I tyre për t’I shpëtuar regjimit të Erdogan.
Sipas autoriteteve greke ata arritën të nxjerrin nga ujërat e detit Egje 2 fëmijë, ndërsa trupat e 5 viktimave të tjera nuk janë gjetur ende.
Varka 6 metra e gjatë dyshohet se është përmbytur nga mbipesha dhe kushtet jo të mira për lundrimin në detit.
Ngjarja e rëndë në brigjet greke vjen vetëm disa orë pasi kryeministri I vendit fqinj Kirikos Mitsotaqis u bëri thirrje vendeve antare të Bashkimit Europian gjatë fjalës së tij në Asamblenë e OKB-së, që të marrin masa të menjëhershme në përballimin e këtij fenomeni, dhe shprëndarjen e barabartë të refugjatëve edhe në vendet e tjera antare.
“Greqia nuk mund të durojë e vetme peshën e lëvizjes masive të njerëzve që ikin nga luftërat dhe shtypja ose thjesht kërkojnë një të ardhme më të mirë siç po ndodh tani. Këta njerëz nuk kanë Greqinë si destinacionin e tyre të fundit. Ata shkojne në Europë përmes kufijve të jashtëm të Europës të cilat janë në këtë rast kufijtë grekë”
Edhe qeveria e re italiane ka paraqitur kërkesën e saj për shprëndarjen e barabartë të refugjatëve në vendet e BE-së.
Unioni po prballet pasojat e vitit 2015 kur miliona emigrant u dyndën drejt kontinentit europian. Italia dhe Greqia, por edhe Turqia, mbajnë barrën më të madhe për shkak të afërsisë që kanë me vendet e luftës.
