Mungesa e një zgjidhjeje qe e presin prej ditësh i ka detyruar te gjejnë vete nje mënyre per te kaluar kufirin nga Greqia drejt Maqedonisë. Refugjatet lanë çadrat ne Idomeni dhe kaluan ne anën tjetër te kufirit përmes këtij lumi. Nëpërmjet nje litari përpiqen t’i shpëtojnë rrjedhës. Me pas kane zbuluar një pjese te çare te gardhit kufitar dhe kane hyre ne territorin maqedon. Sipas informacioneve, me shume se 2 mije persona, mes te cilëve edhe fëmijë kane arritur te kapërcejnë kufirin ne këtë mënyre. Disa prej emigranteve janë transportuar nga kamione te ushtrisë maqedonase, por është e paqarte se ku po strehohen. Një zedhenes i policisë tha se jane marre masat qe grupi i refugjateve te rikthehet ne Greqi. Ne tentative per te kaluar lumin me herët, tre emigrante gjeten vdekjen, ndërsa 23 u evakuuan në qytetin maqedonas Gjevgjeli, ndërsa tentuan per here te pare te thyenin murin maqedonas e te hynin në këtë shtet përmes lumit Vardar. Emigrantët e mbytur u morën nga rrymat për shkak dhe të shirave të dendur. Te evakuuarit u strehuan në kampet e ngritura për refugjatë në këtë qytet. Me mbylljen e të ashtuquajturës rrugës Ballkanike, dy opsionet me të mundshme per mijëra emigrante te tjerë qe vijojnë te qëndrojnë ne Idomeni janë Bullgaria dhe Shqipëria. Zv/ministri i Mbrojtjes Dimitris Vitsas ka thumbuar këto dy shtete, duke thëne se po veprojnë në mënyrë ksenofobike. Mes tyre thekson ai janë dhe vende që dërguan në Greqi, dhjetëra mijë refugjatë para 25 vjetësh dhe tashmë nuk duan të pranojnë emigrantë nga Siria.
