Mbyllja për Bajram/ Nishani “shpërthen” ndaj Ramës: Gangsteri nuk ndalet së provokuari
Ish-presidenti i vendit, Bujar Nishani ka reaguar ashpër lidhur me vendimin e bërë publik nga kryeministri Edi Rama për bllokimin e qarkullimit të qytetarëve Ditën e Bajramit.
Nishani e konsideroi një provokim nga ana e kreut të qeverisë ndaj mijëra besimtarëve që sakrifikuan përgjatë Muajit të Ramazanit.
“Gangsterri i bandës së zhvatjes, pa asnjë mbështetje ligjore, pa asnjë arsye shëndetësore, pa asnjë logjikë shoqërore, ka urdhëruar bllokimin e komunikimit dhe qarkullimit të qytetarëve Ditën e Bajramit. Qindra mijëra besimtarë sakrifikuan përgjatë Muajit të Ramazanit për të shenjuar mirësinë, paqen, respektin, bashkimin, festimin në ditën e shenjtë të Bajramit. Por Gangsterri nuk ndalet të provokojë në gjithshka e në çdo ditë shqiptarët.Tashmë që fundi politik i tij është afër, e ka veç një qëllim ! Të provokojë me çdo mjet e çdo mënyrë, që mundësisht të ikë nga pushteti si një “viktimë” e jo ashtu siç ai është. Si një Gangsterr!”
Për shkak të masave kundër koronavirusit, besimtarët myslimanë nuk do të mund të falin namazin e Fiter Bajramit në sheshe publike, siç ka ndodhur vitet e mëparshme.
