Kreu i Lëvizjes Vetëvendosje, Albin Kurti dhe ai i Lidhjes Demokratike të Kosovës, Isa Mustafa, duket se edhe në këtë takim nuk kanë një marrëveshje për koalicionin.
Pas përfundimit të takimit Kurti ka thënë se negociatat kanë avancim, por nuk ka marrëveshje.
“Kur të kemi marrëveshjen do flasim gjerë e gjatë. Ne negociatat tona avancim ka, por nuk ka marrëveshje. Kur ta kemi marrëveshjen e plotë do ta shpalosim gjerë e gjatë. Këtu përfundon takimi, unë do të jem në kontakt me Mustafën”.
Ndërkohë nga ana tjetër Mustafa ka thënë se as këtë të hënë nuk është arritur marrëveshja për koalicion.
“Patëm një bisedë përmbajtjesore. Ne kemi pas pajtueshmëri sa i përket programit. Kemi edhe çështjet tjera që janë biseduar sot. Sot nuk ka marrëveshje për koalicion. Ka marrëveshje që të punojmë përpara. Dallimet tona do t’i tregojmë kur të përfundojnë bisedimet”.
