Për herë të parë në histori, duke nisur nga kjo e mërkurë asnjë shtetas i huaj nuk do të mund të hyjë brenda kufijve të Bashkimit Europian. Vendim, i cili vjen në një kohë që Europa po shënon ditë pas dite rritje rekord të numrit të të infektuarve me koronavirus, ndërsa numri i viktimave i kalon 3.300.

 


CHARLES MICHEL
PRESIDENT I KESHILLIT EUROPIAN

“Ne kemi rënë dakord të miratojmë një vendim të koordinuar për të kufizuar udhëtimin jo thelbësor në Bashkimin Europian për 30 ditë”


Në luftën me virusin e panjohur, Gjermania numëron 26 viktima dhe mbi 9000 të prekur, Franca 175 viktima dhe 7.730 të  infektuar. Shifrat alarmante kanë detyruar qeveritë të marrin masat ekstreme të mbylljes së kufijve. Presidentja e Komisionit Europian, Ursula Von Der Leyen, tha se shpresat që të kemi një vaksinë kundër koronavirusit këtë vjeshtë janë të mëdha.


URSULA VON DER LEYEN
PRESIDENTE E KOMISIONIT EUROPIAN

“Një kompani gjermane që po punon për zbulimin e vaksinës kundër COVID-19, të cilës BE-ja i ka ofruar kompanisë 80 milion euro mbështetje financiare. Shpresoj se me këtë mbështetje, ne mund të kemi një vaksinë në treg, ndoshta para vjeshtës”

Pas Kinës, Italisë dhe Iranit, Spanja është vendi i 4 me numrin më të lartë të viktimave . 533 persona kanë humbur jetën dhe mbi 11 mijë të tjerë janë prekur nga koronavirusi. Kryeministri Pedro Sánchez, njoftoi se qeveria do të shpërndajë 200 miliardë euro si ndihmë ekonomike për të përballuar pasojat.

 

PEDRO SANCHEZ
KRYEMINISTER I SPANJES

 “Unë dua të dërgoj një mesazh të qartë. Askush nuk do të mbetet pas. Qeveria garanton furnizimin me ushqime, energji elektrike, gaz natyror dhe derivatet e naftës. Por unë kërkoj bashkëpunimin tua. Masat janë të ashpra, shumë kërkuese, por ato janë thelbësore, sepse kjo gjendje e jashtëzakonshme  prek të gjithë shtetin.


Edhe Mbretëria e Bashkuar ka marrë masa drastike. Baret e restorantet do të qëndrojnë të mbyllura, por ndryshe nga vendet e tjera të BE-së, shkollat  do të vijojnë normalisht procesin mesimor. Por koronavirusi është përhapur edhe në SHBA dhë në Australinë e largët. Numri i të vdekurve ka shkuar në 116, ndërsa 6,524 persobna janë infektuar në Shtetet e Bashkuara.

 

 

Leave a Reply

Your email address will not be published. Required fields are marked *