Këshilli Bashkiak I Tiranës ka zhvilluar mbledhjen e parë pas konstituimit.
Kryebashkiaku Erjon Veliaj në fjalën e mbajtur para këshilltarëve paraqiti një tablo të përgjithshme të punëve të bashkisë, të cilat po kryehen në të gjithë qarkun e Tiranës.
Veliaj tha se kryeqytetit i janë shtuar pesë shkolla të reja ndërsa u bëri ftesë qytetarëve që të marrin pjesë në inagurimin e shkollës së re të muzikës në Tiranë “Servete Maçi”
“Me 16 shtator do të hapim një shkollë të re “Servete Maçi”. Është një shkollë muzike. Rreth 600 familje do të çojnë fëmijët e tyre aty. Kjo është shkolla e pestë , e cila është ndërtuar nga e para. Nëse do japim bursë për ata që nxënës të dalim me dhjeta”
Më tej Veliaj u ndal edhe tek shtresat në nevojë, nga ku theksoi se ky target grup do të ketë mbështetjen e Bashkisë në të gjitha mensat sociale të hapura.
“Kemi disa vendime, ju e dini se kemi krijuar disa mensa sociale. Dua të shtojmë në to fruta-perimet, më shumë vakte, më shumë kapacitet. Një vendim ka të bëj me rritjen e vlerës në 230 lekë personi, praktikisht e kemi rritur me 50 %”
