Krerët e 27 vendeve anëtare të Bashkimit Evropian do të mblidhen sot në Bruksel për të biseduar për sanksione më të ashpra kundër Rusisë.
Gjithashtu në fokus të takimit do të jenë edhe çështja e tarifave të vendosura nga Shtetet e Bashkuara ndaj Unionit si dhe situata në Lindjen e Mesme.
Shumica e liderëve do të vijnë nga një samit i shkurtër, por intensiv i NATO-s, ku ata u zotuan për rritje të madhe të shpenzimeve për mbrojtjen.
Presidenti i Ukrainës, Volodymyr Zelensky, do të marrë pjesë në samitin e liderëve të BE-se përmes video konferencës, pas takimit të tij me Donald Trump të mërkurën në Hagë./vizionplus.tv
