Deputeti i Partisë Demokratike Edmond Spaho ka deklaruar se grupi parlamentar i PD-së duhet të konfirmohet me të gjithë anëtarët e tij.
Gjatë mbledhjes së sotme, Spaho tha se PD-ja momentalisht drejtohet nga Komisioni i Rithemelimit dhe jo nga Alibeaj.
“Te konfirmohet grupi në Kuvend me të gjithë anëtarët e tij përfshirë z. Berisha. Nuk ka kryetar të ngarkuar. Kryetar është komisioni Rithemelimit. Nuk ka bashkim me ankimim. Të tërhiqet ankimimi nga Alibeaj. Të mbyllim riorganizimin sa më shpejt, pa shtyrje të procesit pasi po vijnë zgjedhjet vendore,” tha Spaho.
