Më shumë se 100 persona janë plagosur nga përleshjet e ndodhura në Venezuelë të martën.
Presidenti I Venezuelës, Nicolas Maduro në një intervistë televizive pretendoi se e kishte mposhtur atë që ai e quajti një përpjekeje ushtarake të organizuar nga kreu i opozitës Juan Guaido.
Maduro tha gjithashtu se Guaido kishte dështuar edhe në përpjekejet për të kthyer ushtrinë kundër tij ndonëse një pjesë e gardianëve iu bashkua opozitës.
Ndërkohë nga ana tjetër Guaidó deklaroi me bindje se Maduro ka humbur kontrollin e forcave të armatosura dhe se shumë shpejtë do të bjerë.
Udhëheqësi i opozitës u bëri thirrje mbështetësve të tij që të dalin në rrugët e Venezuelës edhe këtë të mërkurë.
Guaidó është njohur si udhëheqës i përkohshëm i Venezuelës nga më shumë se 50 vende, përfshirë SHBA, Mbretërinë e Bashkuar dhe në Amerikën Latine.
Ndërkohë nga ana tjetër, Maduro ka arritur të sigurojë mbështetejen e Rusisë dhe të Kinës.