Gjykata e Apelit në Romë ka vendosur që emigrantët, të cilët mbërritën në Shqipëri më 28 janar në rikthehen në Itali. Azilkërkuesit do të transferohen nesër në shtetin fqinj.
Kjo është hera e tretë që Gjykata e Apelit në Romë vendos rikthimin e emigrantëve të paligjshëm në Itali, ndërkohë që pritet vendimi i Gjykatës Evropiane, e cila do të shprehet më 25 shkurt.
Më 28 janar, 49 emigrantë mbërritën në Shqipëri me anijen “Cassiopea”.
Emigrantët që mbërritën në Gjadër janë me kombësi nga Egjipti, Bangladeshi, Bregu i Fildishtë dhe Gambia.
Ky është kontingjenti i tretë i emigrantëve që mbërrijnë në Shqipëri nga ishulli i Lampeduzas në Itali.
Më 16 tetor dhe 8 nëntor të vitit që shkoi ishte anija “Libra” solli në Shqipëri dy kontingjente me 24 emigrantë, kryesisht nga Egjipti dhe Bangladeshi, të cilët, pas vendimit të gjykatës italiane, u rikthyen në Itali.
Qendra pritëse e emigrantëve në Gjadër të Lezhës nisi të funksionojë në shtatorin e vitit 2024.
Sipas marrëveshjes, territori i dy qendrave pritëse administrohet nga pala italiane e cila e ndërtoi atë, ndërsa autoritetet shqiptare janë në mbështetje të tyre./vizionplus.tv
