Gjykata e Lartë ka rrëzuar kërkesën e liderit të opozitës, Sali Berisha për ndryshimin e masës së sigurisë. Kështu Berisha do të vijojë të qëndrojë i izoluar në shtëpi. Vendimi u dha nga gjyqtarja Irena Gjoka.
Avokati i ish-kryeministrit, Genc Gjokutaj, tha për mediat se seanca e ditës së sotme ka qenë në kundërshtim me ligjin.
Lexo edhe :
Related Posts
Sipas tij, prokurorët nuk kanë dhënë asnjë shpjegim se ku qëndronte korrupsioni i bërë nga Sali Berisha, ndërsa shtoi se është e habitshme që Gjykata nuk bëri asnjë pyetje.
“Sot edhe nga forma edhe nga përmbajtja ka qenë hapur në kundërshtim me ligjin. Prokurorët duhet t’u përgjigjeshin pyetjeve se ku qëndron korrupsioni i zotit Berisha. Prokurori, besnikërisht tha se nuk u jap asnjë shpjegim. Këta janë një komisariat politik. Nuk e di se si kjo Gjykatë ka dhënë masën e arrestit nuk bëri një pyetje”, tha avokati mbrojtës, Genc Gjokutaj
Gjithashtu mësohet se edhe kërkesa e dhëndrit të ish-kryeministrit Berisha, Jamarbër Malltezit, është rrëzuar nga GJKKO.
/vizionplus.tv
