Edhe pse është vënë re një ulje e lehtë e rasteve të reja ditët e fundit, Komiteti i Ekspertëve thotë se grumbullimet gjatë festave të fundvitit mund të sjellin rritje të numrit të të infektuarve në javët në vijim.
ALBANA FICO
DREJTORE E INSTITUTIT TE SHENDETIT PUBLIK
“Situata për këto dy javë mbetet e qëndrueshme, me zbritje të lehta që janë për t’u parë në vijimësi. Nuk ka vend për vetëkënaqësi, duhet të jemi të ndergjegjshëm që jemi akoma në një situatë me transmetueshmëri të lartë. Jemi në pikën ku duhet të jemi tepër të kujdesshëm në zbatimin e masave, mbajtjen e maskës, ruajtjen e distancës dhe masat e tjera të përcaktuara. Masat kanë kontribuar në këtë situatë të qëndrueshme.”
Ndërsa mësimi onlinë për universitetet dhe ora policore 22 e mbrëmjes do të mbeten në fuqi, të paktën për dy javët në vijim.
MIRA RAKACOLLI
KRYETARE E KOMITETIT TEKNIK I EKSPERTEVE
“Mendohet se kjo situatë e qëndrueshme është pasojë e masave të dy javëve të fundit, të vazhdojnë në fuqi ora policore pas orës 22:00, universiteti edhe dy javë mësim online.”
Fluturimet me Britaninë e Madhe do të mbeten të pezulluara të paktën deri në 18 janar, për shkak të shfaqjes së virusit të ri për të cilin Rakacolli shprehet se ene nuk është konfirmuar asnjë rast në vëndin tonë.
“Po kështu fluturimet me Britaninë e Madhe të mbeten të pezulluara deri në datën 18 janar.”
Grupmoshat më të prekura nga Sars-Cov2 2 javët e fundit duket se janë nga 25 deri 34 vjec, ndërsa vaksinimi i bluzave të bardha që punojnë në spitalet Covid në kryeqytet pritet të nisë brenda javës së tretë të janarit.
