Familja dhe komuniteti në Ferizaj përcolli për në banesën e fundit, 18-vjecaren e fundit e cila u masakrua për vdekje nga Dardan Krivaqa, me të cilën viktima ishte martuar pak më parë.
Në ceremonine e varrimit mori pjesë edhe kryeministri Albin Kurti.
Krimi që tronditi Kosovën, solli reagime të forta në publik.
Ndërkohë Policia e Kosovës ka arrestuar sot Dardan Krivaqën, të dyshuarin kryesor për vrasjen e 18-vjeçares M.O.
Referuar organit të akuzës, Krivaqa fillimisht kishte ushtruar dhunë psikike ndaj viktimës M.O., pasi dyshonte se e kishte tradhtuar me djalin e dajës. Më tej ai ka ushtruar edhe dhunë fizike, e cila solli pasoja fatale në jetën e 18 vjecares.
Autori I dyshuar bashkë me të riun tjetër Arber Sejdiu kur kanë kuptuar se në cfarë gjëndje ishte vajza e dërguan atë në dyert e spitalit të Ferizaj dhe e braktisën. Mirëpo të dy u arrestuan nga policia, fillimisht bashkëpunetori Arber Sejdiu dhe më pas bashkëshorti I viktimes, Dardan Krivaqa që është edhe I dyshuari kryesor.
Dyshohet se edhe Arbër Sejdiu, ndaj të cilit Gjykata ka caktuar masën e paraburgimit, ka qenë I pranishem në vendin e ngjarjes kur Krivaqa ka rrahuar gruan e tij ndërsa ka dyshime se edhe ai ka ushtruar dhunë.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda – Ibrahim Idrizi ka vërtetuar faktin se ekziston dyshimi i bazuar mirë që i pandehuri më 22 gusht 2021, në Ferizaj, në banesën e të pandehurit D.K., me dashje, në mënyrë mizore për motive të ulëta xhelozie, për shkak se i pandehuri D dyshonte se e ndjera M.O. e kishte tradhtuar me djalin e dajës së të pandehurit D., për këtë arsye i pandehuri D, një natë përpara, ka ushtruar fillimisht dhunën psikike, e pastaj edhe dhunën fizike, e cila ka vazhduar edhe ditën kritike, derisa e ndjera ka ndërruar jetë, ndërsa i pandehuri A.S., gjatë gjithë kohës ka qenë i pranishëm në vendin e ngjarjes e i cili edhe ka marrë pjesë në ushtrimin e dhunës fizike dhe psikike, me këtë ka kontribuar në mënyrë të drejtpërdrejtë në kryerjen e veprës penale, gjegjësisht vdekjen e të ndjerës dhe më pas të njëjtën e dërgojnë dhe e lënë në Spitalin e Përgjithshëm në Ferizaj, pa shenja jete, ndërsa dy të pandehurit ikin në drejtim të panjohur”, thuhet në arsyetimin që Gjykata e ka dhënë me rastin e caktimit të paraburgimit ndaj shtetasit Arbër Sejdiu.
