Një 33 vjeçar është vënën në prangat e policisë së Beratit dhe një tjetër është shpallur në kërkim nën akuzën e shkatërrimit të pyjeve.

 

Në kuadër të Luftës kundër shkatërrimit dhe mbrojtjes së Malit të Tomorrit nga subjektet që ushtrojnë veprimtari të paligjshme në këtë territor, Drejtoria Vendore e Policisë Berat, në bashkëpunim me Komisariatin e Policisë Skrapar, ka ndërmarrë një operacion në të gjithë malin.

 

Në kuadër të këtij operacioni është arrestuar 33-vjeçari M.S,banues në Berat. Ai është kapur nga forcat e policisë në fshatin Novaj në Skrapar,duke qarkulluar me mjetin me targa AA 2350 P,të ngarkuar me pllaka guri dekorativ,në kundërshtim me ligjin .

 

Po kështu,policia konfirmon se,në kuadër të këtij operacioni ka shpallur në kërkim edhe shtetasin me iniciale L.L,banues në Tiranë. Nga ana e policisë po punohet për kapjen e këtij shtetasi,ndërkohë që konfirmohet zyrtarisht se, policia po vijoj punën për identifikimin dhe kapjen e personave të tjerë,që vijojnë të punojnë në mënyrë të paligjshme në Malin e Tomorrit,duke shfrytëzuar zonën e Novajt për nxjerrjen e gurit dekorativ.

 

Prej disa muajsh firmat e nxjerrjes së gurit dekorativ në Malin e Tomorrit kanë punuar natën dhe në fshehtësi për nxjerrjen e pllakave të gurit në Novaj. Por,prej datës 19 Dhjetor 2019 të gjitha firmave të gurit në Malin e Tomorrit u janë hequr liçensat dhe prej asaj dite ata quhen “të kundraligjshëm” në ushtrimin e këtij aktiviteti. Prej muajsh, forca të shumta policie kanë qënë çdo ditë në të gjitha rrugët,hyrëse dhe dalëse, në malin e Tomorrit për të ndaluar punën e firmave të nxjerrjes së gurit dekorativ,që kanë pretenduar se duhet të vijojnë punën, pasi fituan gjyqin në Gjykatën Administrative.

 

Leave a Reply

Your email address will not be published. Required fields are marked *