Tre fëmijë janë në mesin e personave të vrarë pas një sulmi terrorist në një sallë koncertesh pranë Moskës dje , të premten, raportoi RIA.
Agjencia ruse e lajmeve raportoi këtë informacion duke cituar Ministrinë rajonale të Shëndetësisë.
Më shumë se 60 persona vdiqën dhe 115 u plagosën pas sulmit terrorist të djeshëm në një sallë koncertesh në periferi të Moskës, për të cilin grupi xhihadist Shteti Islamik (IS) mori përgjegjësinë.
⚡️Количество погибших при атаке на “Крокус Сити Холл” возросло до 82 человек, из них 3 детей. Число пострадавших – 183 человека, из них 8 – дети. СК продолжает работу на месте теракта | #Russia #Moscow #Crocus pic.twitter.com/tCTHXjvHth
— Goldmann 𝕏 (@JurgenKingsmann) March 23, 2024
Mes të plagosurve janë pesë fëmijë, njëri prej të cilëve është në gjendje të rëndë.
Ndërkohë dhjetëra qytetarë janë drejtuar drejt spitaleve të Moskës për të dhuruar gjak për të plagosurit.
Ngushëllime nga Kina – India
Presidenti kinez Xi Jinping i shprehu sot “ngushëllimet” homologut të tij rus Vladimir Putin pas një sulmi terrorist që vrau më shumë se 60 njerëz në një sallë koncertesh në periferi të Moskës të premten.
“Kina dënon fuqishëm sulmin terrorist dhe mbështet fuqishëm përpjekjet e qeverisë ruse për të ruajtur sigurinë dhe stabilitetin” në Rusi, tha Xi Jinping, sipas agjencisë zyrtare të lajmeve kineze Xinhua.
In Moscow, already in the morning there is a line outside the donor centers. After the terrorist attack at Crocus, people went to donate blood en masse.
RIA Novosti video#MoscowAttack #Moscow #Russia #Moskou pic.twitter.com/XeqhcJmqag
— Swing Trader The Art Of Learning (@niteshgupta98) March 23, 2024
Kryeministri indian Narendra Modi dënoi gjithashtu sot “sulmin e tmerrshëm terrorist” në një sallë koncertesh në Moskë.
“Ne dënojmë fuqishëm sulmin e tmerrshëm terrorist të kryer në Moskë”, tha Modi në një postim në rrjetet sociale X.
“India shpreh solidaritetin e saj me qeverinë dhe popullin e Federatës Ruse në këtë kohë zie”, shtoi kryeministri indian./vizionplus.tv
