Ekipet e Autoritetit Rrugor Shqiptar do të jenë në terren gjatë ditëve festive, për të siguruar që rrugët janë të kalueshme, veçanërisht në juglindje dhe në zonat verirore, ku ka pasur edhe reshje dëbore dhe ngrica.
“ARRSH ka marrë të gjitha masat, do të jenë në gatishmëri 130 borëpastruese, 577 mjete të tjera dhe 800 punonjës që do të jenë në gatishmëri 24 orë. Gjithashtu, janë prokuruar 5.300 ton kripë dhe 1.800 ton granil që të gjitha akset të jenë të lira”, tha drejtori i autoritetit, Ami Kozeli.
Ai bëri apel për të gjithë drejtuesit e mjeteve që të pajisen me goma dimërore dhe me zinxhirë./vizionplus.tv
View this post on Instagram
