Pas njohjes së patentave shqiptare në Itali dhe anasjelltas, kryeministri Edi Rama paralajmëroi se tani do të punohet në njohjen e pensioneve.
Me anë të një reagimi në “Facebook”, ai komentoi marrëveshjen e arritur mes ministres së Jashtme, Olta Xhaçka dhe homologut italian, Luigi Di Maio.
“U tha u bë😍 Nga sot lejet e drejtimit të shqiptarëve njihen si dokument zyrtar në Itali🇦🇱🤝🇮🇹 Tani hapi tjetër i domosdoshëm është njohja e pensioneve mes dy vendeve, që me angazhimin serioz të të dy qeverive nuk do të vonojë🙏”
Marrëveshja mes Xhaçkës dhe Di Maios pritet të nënshkruhet javën e ardhshme në Tiranë.
