Subscribe

Marrëveshja teknike e arritur mes Shqipërisë dhe Italisë për njohjen e pensioneve I hap rrugën miratimit të saj në qeveritë respective dhe më pas në kuvend.

 

Nëse do të egzistojë vullenti politik në shtetin fqinj, gjasat janë që vitin e ardhshëm kjo marrëveshje të bëhet realitet.

 

Ministrja e Financave si dhe ambasadori italian në Tiranë e konsiderouan këtë marreveshje si një fitore, për gati gjysmëm million shqiptarë që pritet të jenë përfituesit më të mëdhenj, por edhe shtetasit italinë që punojnë në vendin tonë.

 

DELINA IBRAHIMAJ

 

MINISTRE E FINANCAVE DHE EKONOMISE

 

Është marrëveshje e gjerë dhe plotë, nëpërmjet së cilës çdo shqiptarë që ka punuar prej vitesh në shtetin fqinj, apo ka punuar një pjesë të viteve në Itali dhe një pjesë në Shqipëri, do ti njihen vitet e pensionit në momentin që ai person do të dalë në pension sipas ligjeve respektive të të dyja shteteve. Hartimi i kësaj marrëveshje është shprehje e qartë e vullnetit politik. Është një ditë fitorje pasi përmbushet e gjithë njohja e periudhës së tyre- deklaroi ministrja e Financave dhe Ekonomisë Delina Ibrahimaj.

 

FABRIZZIO BUCCI

AMBASADORI ITALIAN NE SHQIPERI

 

“Është një marrëveshje e bazuar mbi reciprocitetin edhe shtetasit italian mund të përfitojnë nga kjo marrëveshje. Është një moment shumë i rëndësishëm pasi është një urë tjetër që ne po ndërtojmë, lidhje që janë integruar. Kemi një komunitet shumë të madh të integruar që punojnë në Itali, më shumë se 700 mijë, sipas të dhënave të kohëve të fundit. Gati 50 mijë ndërmarrje me Nipt italian janë me titullar shtetas shqiptarë. Është një numër shumë i madh kontributesh të dhëna nga shtetasit shqiptarë që jetojnë në Itali dhe falë kësaj marrëveshje do të plotësojnë këtë mangësi që ekziston në këtë boshllëk në vendin tonë”.

 

Qe të përfitosh një pension duhet që minimalisht një shqiptar të ketë 15 vite punë të siguruara.

 

Bashkimi I viteve të punës në Shqipëri dhe Itali është një nga lajmet e shumëpritura për mijera shqiptarë që jetojnë prej vitesh në shtetin fqinj.

 

Leave a Reply

Your email address will not be published. Required fields are marked *